English

“Nuk largohet nga vendi”- GJKKO rrëzon kërkesën e Ilir Beqjas për lirimin nga qelia

KOMENTE

SHPERNDAJE
ARTIKULLIN

Text sizeAa Aa

Gjykata Kundër Korrupsionit dhe Krimit të Organizuar ka rrëzuar këtë të premte kërkesën e ish-ministrit të Shëndetësisë, Ilir Beqaj, për ndryshimin e masës së sigurisë “arrest në burg” lidhur me hetimet për dosjen SASPAC.

- Advertisement -

Kërkesa e ngritur nga avokati i Beqajt argumentonte se ish-ministri, njëkohësisht ish-drejtori i SASPAC, nuk është marrë si i pandehur nga SPAK dhe nuk paraqet rrezik për t’u larguar nga vendi, duke qenë se është treguar bashkëpunues gjatë procesit.

Gjykata, me gjyqtaren Rudina Palloj në krye, vendosi të mos e pranojë këtë kërkesë gjatë seancës që nisi në orën 09:30 të mëngjesit.

Vendimi i GJKKO vjen vetëm dy ditë pasi edhe Gjykata e Lartë refuzoi rekursin e ngritur nga Beqaj mbi masën e sigurisë “Arrest me burg”

Beqaj u arrestua më 4 korrik 2024 me urdhër të SPAK, si pjesë e hetimeve të drejtuara nga prokurorja Elida Kaçkini mbi dyshimet për abuzime me fondet publike të programit SASPAC. Hetimet për këtë çështje po vijojnë, ndërsa Beqaj mbetet në paraburgim.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Vetëvendosje del forcë e parë në Kosovë, por nuk siguron shumicën! A mendoni se Kurti do ta formojë dot qeverinë e re?