Gazetarja Rudina Xhunga është shprehur se shoqëria shqiptare nuk e pëlqen vullnetarizmin, pasi sipas saj, iu duket si diçka komuniste.
Komentet Xhunga i bëri në emisionin “Barometri” në Euronews Albania, ku komentoi gjetjet e sondazhit të ditës së sotme.
Ajo tha gjithashtu se shoqëria shqiptare është një shoqëri me shumë fytyra, që është në kërkim të fytyrës së saj të vërtetë.
“Mendoj se kanë më shumë fjalë se vepra. Të tregoj një rast që për 12 muaj zonjat punuan pa lek, ndërsa për 12 muajt e tjerë do të paguheshin. Ne nuk e pëlqejmë vullnetarizmin, na duket si komuniste. Ndërkohë është qytetari që të jesh vullnetar.
Përpos që nuk e kanë fajin vetëm ata që duan të jenë vullnetarë, por e kanë fajin edhe ata që i përdorin vetëm për foto në Instagram dhe i thonë ik tani se e mora projektin e radhës.
Domethënë është një shoqëri me shumë fytyra në kërkim të fytyrës. Jemi 30 vite në kërkim të fytyrës, ende nuk e kemi gjetur. Janë shumë njerëz që nuk bërtasin, por ata janë aty dhe janë me heshtjen e tyre më të mirët e botës”, tha Xhunga.
LEXONI GJITHASHTU:
- “Kam jetuar mes fukarallëkut”- Prenga tregon sfidat: Çfarë më ndihmoi në sukses
- Dështimet dhe sukseset për shqiptarët në 2023? Ja cilat janë?
