Nuk ndalen aksidentet rrugore, Instat: Rriten me 16,7% në tetor, shkak pakujdesia

Rrugët e Shqipërisë vijojnë të përgjaken çdo ditë e më shumë si pasojë e aksidenteve rrugore.

Në muajin që lamë pas, thuajse çdo ditë kanë ndodhur minimalisht 3 aksidentet, disa me pasoja fatale.

Raporti i Institutit të Statistikave për muajin tetor vë në dukje se janë regjistruar 98 aksidente nga 84 të ndodhura në tetorin e vitit 2022, duke bërë kështu që këtë vit aksidentet të shënojnë rritje me 16,7 %.

Paralelisht me aksidentet në rritje kanë ardhur edhe numri i personave të lënduar dhe atyre që kanë humbur jetën.

Shkaktarë të këtyre aksidenteve vijojnë të jenë drejtuesit e mjeteve, shumica e të cilëve janë meshkuj.

Sipas Instat, 26,5 % e aksidenteve është shkaktuar nga grup-mosha 45-59 vjeç. Aksidentet në këtë grup-moshë janë rritur me 73,3 %, krahasuar me të njëjtën periudhë të një viti më parë.

Në muajin Tetor 2023, numri më i lartë i aksidenteve rrugore ka ndodhur ditën e Hënë me 19,4 %, ndërsa numri më i ulët i aksidenteve ka ndodhur të ditën e Enjte me 8,2 %.

Në total në dhjetë muajt e vitit 2023 janë regjistruar 961 me 1.319 persona të lënduar, disa kanë ndërruar jetë.

LEXONI GJITHASHTU:

• Aksident i rëndë në Fier, raportohet për disa të plagosur
• Aksident me vdekje në Nikël, 23-vjeçari me “Audi” përplas të moshuarin