Javën e parë të shkurtit, Korporata Elektroenergjitike shqiptare ka arkëtuar 3.9 mln euro, duke shitur 40 mijë megavat energji. E gjithë kjo sasi, rezulton të jetë shitur me çmim mesatar 100 euro për megavat.

Situata e mirë me prodhimin nga hidrocentralet, ka bërë që vendi ynë të rikuperojë një pjesë të fondeve të humbura vitin e kaluar, si pasojë e thatësirës dhe çmimeve të larta. Në vitin 2022, KESH shpenzoi 450 mln euro nga blerjet, ndërkohë që nga muaji nëntor e deri më sot, ka zgjedhur vetëm të shesë, duke futur në arkën e vet, 48 mln euro.

KESH ka provuar disa herë të kryejë procedura depozitimi, por nuk ia ka arritur, pasi tregtarët nuk kanë dashur të luajnë me bursën për të blerë sot dhe për të kthyer energjinë mbrapsht në muajt e verës.

Reshjet periodike të nëntorit dhe dhjetorit në zonën e mbi Shkodrës, aty ky janë edhe Hidrocentralet e Drinit, kanë  zbutur krizën, duke e nxjerrë praktikisht vendin edhe nga gjendja e jashtëzakonshme në sektor.

I vetmi disavantazh i kësaj periudhë kanë qenë çmimet e ulëta në bursa, me të cilat shtetet fqinje kanë blerë disa herë më lirë.

LEXONI GJITHASHTU

• Shkodër| Çmimi i energjisë i papërballueshëm, rritet dhe çmimi i druve
• Fshatrat e Pogradecit, Devollit e Korçës pa energji elektrike prej tre ditësh
• Temperaturat disa gradë nën 0, mijëra familje pa energji elektrike në Juglindje