Policia e Elbasanit ka arrestuar një 30-vjeçar të dyshuar për shpërndarje të lëndëve narkotike në zonën e Peqinit ndërsa ka proceduar në gjendje të lirë babain e tij.
“Në bazë të informacioneve të siguruara nga inteligjenca policore, në lagjen “Teqe”, i është bërë shenjë ndalimi, automjetit me drejtues shtetasin E. S., i cili dyshohej se shiste Kokainë dhe Cannabis, në Peqin.
30-vjeçari nuk i është bindur urdhrit për ndalim, por ka vijuar lëvizjen me shpejtësi, duke rrezikuar jetën e punonjësve të Policisë.
Në kontrollin e banesës së tij, autoritetet kanë sekuestruar një sasi prej 630 gramësh cannabis, një sasi kokaine, 3 armë gjahu, 2 armë të ftohta (thika), 1 armë sportive, 55 fishekë, dhe një sasi baruti që përdorej për mbushjen e fishekëve. Po ashtu, janë gjetur edhe një palë dylbi dhe një detektor metal-kërkues.
Në kuadër të operacionit “Risku”, u arrestua shtetasi E. S., 30 vjeç, dhe u procedua në gjendje të lirë babai i tij, shtetasi F. S., 67 vjeç, të dy banues në Peqin”, thuhet në njoftimin e policisë.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan për veprime të mëtejshme.
LEXONI GJITHASHTU:
- Lëvizte me armë zjarri, arrestohet 20-vjeçari, procedohet pasagjeri për moskallëzim
- Emrat/ SPAK operacion antidrogë në Sarandë e Delvinë, jepen 12 masa sigurie
