“Nuk po marr vesh”, nis me probleme numërimi në Dibër, denoncon Ismail Uka

Numërimi në KZAZ-në 19 në Dibër ka nisur me probleme rreth orës 1:30.

Kandidati i koalicionit “Bashkë Fitojmë”, Ismail Uka tha se numërimi po nis akoma pa u vendosur vëzhguesit e tyre.

Ai u shpreh se në 3 grupe numërimi nuk ka asnjë numërues, vetëm vëzhgues. Ndërkohë në rreshtin e parë ai tha se ka vetëm vëzhgues të majtë.

Sipas Ukës, jo vetëm që nuk po mund të shohë në mënyrë transparente votat, por as nuk ka mundësi të vëzhgojë procesin.

“Unë s’po marr vesh se ku ka filluar numërimi. Kryetari i KZAZ-së më tha s’ka asnjë problem se e bëjmë ne numërimin e votave. Tani ne nuk jemi këtu vetëm për të bërë shikimin e votave, ne jemi këtu për të ndjekur rregullat proceduriale dhe për të respektuar vullnetin e atyre zgjedhësve,” – u shpreh Uka.

Për të ndjekur rezultatin në kohë reale klikoni këtu.

LEXONI GJITHASHTU:

• Numërohen 3 qendra votimi në Tiranë, kush kryeson garën
• Opozita në avantazh në Mirditë, diferencë e ngushtë votash