Numërohen 70% e qendrave të votimit, ja sa është rezultati në Malin e Zi

Deri më tani janë numëruar 70% e qendrave të votimit në Malin e Zi dhe sipas rezultateve paraprake është “Lëvizja Europa Tani” ajo që deri në këto momente kryeson me 25.7% të votave, dhe mund të ketë siguruar 23 mandate.

Kjo parti ndiqet nga koalicioni “Së bashku” që ka marrë 23.8% sipas të dhënave paraprake.

15% të votave i ka koalicioni “NSD-DNP”, 12.3% i ka koalicioni i partive “Ura-Demokratët”, të përkthyera në 11 mandate.

4.1% të votave i kanë në total 3 parti shqiptare, të cilat garojnë veçmas dhe jo në koalicion.

Partia Boshnjake ka marrë 6.8% të votave gjithnjë sipas të dhënave paraprake, dhe 3.4% të votave Partia Popullore Socialiste.

Kujtojmë se lëvizja “Evropa Tani” ka hyrë për herë të parë në garë, e sipas hulumtimeve ka përkrahjen më të madhe të qytetarëve. Lëvizjen “Evropa Tani” e kanë krijuar ish-ministrat e qeverisë së Zdravko Krivokapiç, Millojko Spajiç dhe presidenti aktual, Jakov Millatoviç .

LEXONI GJITHASHTU:

• Esmeralda Mulaj: Ja pse ndërkombëtarët kanë kërkuar një draft nga Kosova
• “Përjashtimi nga Defender, jo i drejtë”, Kryeministri Kurti komenton vendimin e SHBA