“Numri është më i madh”- Kulla: Nga burimet që kam, ja sa serbë vdiqën në Basnjkë

Eksperi i sigurisë Ilir Kulla ka deklaruar se numri i terroristëve serbë që kanë humbur jetën në Kosovë është 7 ose 8. I ftuar në emisionin Review në Euronews Albania, Kulla tha se nga burimet që ai ka, sulmuesit kanë tërhequr viktimat e tjerë dhe të plagosurit rëndë, pasi do të ishte siklet i madh për ta.

Ai shtoi se një pjesë e viktimave kanë ndërruar jetë në spitalet ku janë çuar, atë të Novi Pazarit, të Nishit e më pas të Beogradit.

“Sulmi kishte qëllim nisjen e një kryengritjeje të armatosur që ka si qëllim ndarjen e Kosovës, projekt i para 10 viteve i Serbisë.

Policia e Kopsovës dhe institucionet e Kosovës meritojnë një respekt të jashtëzakonshëm se ja vunë kufirin te Thana dhe morën mbrapa atë që meritonin. Nuk janë 4 të vrarë por janë pak më shumë, por i kanë tërhequr mbrapa. Për ta është siklet i madh ta pranojnë. Me burimet e mia që kam folur janë 7 ose 8 viktima. Të plagosur janë më shumë. Të vdekurit i kanë tërhequr dhe disa kanë vdekur në spitale në Serbi. Ishin dy spitale që kanë pasur një numër të caktuar njerëzish. Spitali i Novi Pazar dhe një spital afër Nishit dhe më pas i çuan në spitalin ushtarak të Beogradit disa. Nga filmimet ku shihet Radoiçiç, njëri nga ata çalon dhe duket që aty ka pasur emergjencë dhe të plagosur”, tha Kulla.

LEXONI GJITHASHTU:

• Ministri i Kosovës: Sulmi, plan i mirëfilltë ushtarak për pushtim gradual
• Ushtria serbe afër Kosovës, Kulla: Le ta provojnë prapë! Ja çfarë do t’u ndodhë