Nunez i bashkohet Al Hilal, takohet me shokët e skuadrës

Pas 3 sezoneve të luajtura në Premier League angleze, Darwin Nunez i është bashkuar Al Hilalit në Arabinë Saudite. Futbollisti është prezantuar në rrjetet sociale të skuadrës, ndërsa është bashkuar me shokët e skuadrës.

Nunez ka firmosur një kontratë 3-vjeçare, ndërsa i kushtoi Al Hilalit 46.3 milionë paundë. Nunez gjeti gjuhën e përbashkët me Liverpoolin për t’u larguar në këtë merkato verore, duke qenë se nuk ishte në plan e trajnerit Slot.

Në ndeshjet miqësore parasezonale ai po tregonte perfomancë pozitive, por Slot ishte i prerë për të ardhmen e uruguaianit. Interes për të kishte nga disa ekipe, mes tyre edhe kampionët e Italisë, Napoli, por 26-vjecari vendosi të kalojë në Arabinë Saudite. Gjatë qëndrimit të tij në Anfield, Darwin Nunez është aktivizuar në 95 ndeshje, nga ku numëron 25 realizime.

Pritshmëritë ishin më të larta për sulmuesin, duke bërë që me kalimin e kohës, drejtuesit ta spostonin atë nga formacioni dhe kërkuar për zëvendësuesin e tij. 3 vite më parë, Liverpool pagoi plot 65 milionë paundë për kartonin e lojtarit, i cili asokohe aktivizohej në kampionatin portugez me Benfican.

LEXONI GJITHASHTU:

• Nunez drejt Ligës Saudite, Al-Hilal jep 53 milionë euro për sulmuesin e Liverpoolit
• Pogba rikthehet si futbollist, Neymar nënshkruan kontratën e re