Nurja: Papunësia te të rinjtë, më e lartë se shifra e publikuar nga INSTAT

Shifrat e publikuara nga INSTAT tregojnë se papunësia te të rinjtë në vitin 2021 me 0.6%, krahasuar me 2020-ën.

Në vitin 2020, për grupmoshën 15-24 vjeç, papunësia ishte 26,5%, shifër që u rrit në 27,1% në vitin 2021.

Por, për ish-drejtoreshën e INSTAT, Ines Nurja kjo shifër është edhe më e lartë nga sa është raportuar.

Për emisionin “Mirëmëngjes” në “Euronews Albania”, ajo u shpreh se në këto shifra nuk është publikuar edhe ajo pjesë e të rinjve (15,4%), të cilët sipas saj janë të dekurajuar dhe nuk kërkojnë punë.

“Faktikisht, nuk është 27.1 %, kjo është e pasqyruar. Janë edhe një pjesë që janë të dekurajuar të kësaj moshe, rreth 15.4% që janë jashtë tregut dhe mendojnë që nuk ka punë. Shifra 27.1%, për mua është pothujse nuk po them dyfishin por është akoma më e lartë”, tha ajo.

LEXONI GJITHASHTU

• Ekspertja e ekonomisë rendit pasojat e papunësisë te të rinjtë
• 54% e shqiptarëve 35-44 vjeç kanë prioritet papunësinë