82-vjeçarja Nazmie Buci, një e moshuar nga Shkodra pretendon se u godit fizikisht nga nusja e djalit të saj, shtetasja Elmira Buci, 43 vjeçe, një ngjarje e cila ka tronditur opinionin publik në mbarë vendin.

Sipas dëshmisë, nusja e shtëpisë e ka goditur vjehrrën me bastunin e kësaj të fundit me të cilin lëviz e moshuara. Policia e Shkodrës ka arrestuar shtetasen Elmira Buci pas denoncimit të këtij rasti.

Aktivistja për Të Drejtat e Njeriut, Sevim Arbana e ka komentuar këtë ngjarje në emisionin People në Euronews Albania si një klithmë të shqopërsië shqiptare, për ngjarje të tilla, ku dhunohen kategoritë vulnerabël të një vendi.

Sipas saj, veprimi i nuses në fjalë, jo vetëm që është diçka e pamoralshme, por një sjellje që e ka burimin nga mungesa e zbatimit të ligjit dhe mosdituria.

“Kjo është e pamoralshme, është ulëritëse që një grua ngre dorën mbi një grua tjetër, pavarësisht në çfarë rsporti është. Duhet një tolerancë zero për këtë lloj dhune, sidomos ndaj grupeve vulnerabël, fëmijë, të moshuar, gra. Kemi hyrë legalisht në një shoqëri të dhunshme, që vjen nga mungesa e ligjit, nga injoranca. Jemi bërë tejet të dhunshëm, duke harruar që jemi të përkohshëm në këtë tokë. Nusja është një copë injorante,më fal që po e them, një vulgare, dhuna që ka ushtruar do t’i kthehet 10fish, unë besoj tek karma dhe besoj që do t’i kthehet në një formë tjetër,” –u shpreh aktivistja Arbana.

LEXONI GJITHASHTU:

• “Nusja më gjuajti me shkop, ma theu…”, 82-vjeçarja flet për Euronews nga spitali
• “Isha në avion me indianin që donte të hidhej”- Flet pasagjerja për Euronews