Nxënëset e “Kongresit të Manastirit” u rrahën barbarisht, reagon shkolla

Një video e publikuar fillimisht nga vajza e ministrit, Niko Peleshi, Aleksia, u bë virale në rrjetet sociale.

Bëhet fjalë për një grup vajzash të cilat barbarisht dhunojnë bashkëmoshataren e tyre në shkollën “Kongresi i Manastirit”.

Institucioni ka reaguar duke bërë me dije se sherri nuk ka ndodhur brenda ambienteve të shkollës, por sidoqoftë stafi ka marrë masa.

“Sipas informacioneve që siguruam nga prindërit e vajzave, ngjarja ka ndodhur në datën 15 shkurt 2023 në orën 14:00 në vendin e quajtur “Pallati Dilo” rreth një kilometër larg shkollës sonë. Pra theksojmë se kjo ngjarje nuk ka ndodhur në ambientet e shkollës sonë.
Pavarësisht këtij fakti, shkolla u vu menjëherë në lëvizje dhe u bë verifikimi i menjëhershëm i ngjarjes së ndodhur dhe ka kërkuar nga policia e shtetit që ta hetojë dhe të marrë masa për atë që ka ndodhur,” – njofton shkolla.

“Vëmë në dukje se i gjithë stafi i shkollës sonë, mësuesit, shërbimi psiko-social, oficeri i sigurisë, inspektori i zonës, gjithnjë jemi shumë të ndjeshëm dhe të kujdesshëm për të tilla raste, kur bëhet fjalë për mirëqenien fizike dhe mendore të nxënësve tanë, e cila është një prioritet absolut i yni. Sigurojmë të gjithë nxënësit dhe prindërit që shkolla jonë do të jetë gjithnjë mjaft e prerë në vendimet ndaj çfarëdo lloj ngjarjeje apo fenomeni negativ që konstatohet nga ana jonë në ambientet e shkollës sonë, dhe jo vetëm,” – thuhet në njoftim.

 

View this post on Instagram

 

A post shared by Shkolla 9-vjecare “Kongresi i Manastirit” zyrtare (@kongresi_manastirit)

LEXONI GJITHASHTU:

• Pamje të rënda: Vajzat në shkollën në Tiranë dhunojnë barbarisht bashkëmoshataren