“Ofensiva do jetë nga ajri, toka dhe deti” Izraeli njofton zyrtarisht sulmin në Gaza

Forcat Izraelite të Mbrojtjes lëshuan një deklaratë mbrëmjen e kësaj të shtune, duke thënë se forcat e tyre po përgatiten të zgjerojnë veprimet në terren, duke nisur operacionin në shkallë të gjerë në Gaza.

“IDF po përgatitet për një ofensivë gjithëpërfshirëse”, me ndihmën e qindra mijërave pjesëtarëve të personelit rezervë”, thekson deklarata.

Ofensiva do të përfshijë forcat ajrore, detare dhe tokësore.

“Pajisjet thelbësore luftarake janë dërguar tashmë” në vendet përkatëse, “batalione dhe ushtarë të IDF janë dislokuar strategjikisht në të gjithë vendin”, shtohet në deklaratë.

Gjithashtu IDF bën me dije se është marrë çdo masë për një aerenë të zgjeruar lftimi duke nënkuptuar futjen e këmbësorisë në Gaza.

“Me mbështetjen e një përpjekjeje të gjerë logjistike dhe qindra mijëra rezervistëve, forcat e IDF po përgatiten aktualisht të zbatojnë një gamë të gjerë planesh sulmuese operacionale, të cilat mund të përfshijnë sulme të kombinuara dhe të koordinuara nga ajri, deti dhe toka. Paralelisht, Forcat Tokësore të IDF dhe Drejtoria Teknologjike dhe Logjistikës (J4) po përgatitin forcat për një arenë të zgjeruar luftimi”, thuhet në deklaratë.

LEXONI GJITHASHTU: 

• Izraeli nis sulmin në shkallë të gjerë, Euronews Albania siguron videot ekskluzive
• Pamje Ekskluzive nga Euronews Albania. Raketat mbi qytetin Ashkalon në Izrael
• Sirena alarmi e raketa në qiell, Euronews Albania kap momentet dramatike nga lufta