OKB: Jemi të shqetësuar për mënyrën se si Rusia po gjykon të burgosurit në Mariupol 

Zyra e OKB-së për të Drejtat e Njeriut shprehu sot shqetësimin për planet e autoriteteve pro-ruse për të gjykuar të burgosurit ukrainas të luftës në Mariupol.

Sipas OKB-së një proces i tillë në vetvete mund të përbëjë një krim lufte.

“Ne jemi shumë të shqetësuar për mënyrën se si bëhet. Ka fotografi në media të kafazeve që po ndërtohen në Filarmoninë e Mariupolit, kafaze vërtet masive dhe padyshim që ideja është të mbyllen të burgosurit atje,” tha zëdhënësja Ravina Shamdasani në një konferencë për shtyp.

Ajo theksoi se ishte poshtëruese dhe e papranueshme. Shamdaasani njoftoi gjithashtu se “mohimi i qëllimshëm i të drejtës së një të burgosuri lufte për një gjykim të drejtë është një krim lufte nga Rusia”.

LEXONI GJITHASHTU:

• ‘Lutesha të vdisja shpejt’, rrëfimi i trishtë i të mbijetuarës në Mariupol