OKB: Largimi nga Afganistani do të ishte “zemërthyes”

Kombet e Bashkuara janë të gatshme të marrin vendimin “zemërthyes” për t’u larguar nga Afganistani në muajin maj, nëse nuk mund të bindin talibanët që të lejojnë gratë të punojnë për organizatën, ka thënë udhëheqësi i Programit të Kombeve të Bashkuara për Zhvillim, Achim Steiner.

Zyrtarët e OKB-së janë duke negociuar me talibanët që të shfuqizojnë një dekret që ua ndalon grave lokale punën në organizatë, ka thënë Steiner për agjencinë e lajmeve, Associated Press.

“Mund të them se në pikën që jemi tani, i gjithë sistemi i OKB-së duhet të bëjë kthim mbrapa në rievaluim të operacioneve”, ka thënë Steiner.

“Por, ne nuk mund të negociojmë parimet themelore, të drejtat e njeriut”.

Stenier ka thënë se talibanët i kanë lejuar gratë të angazhohen në disa sektorë, mirëpo Afganistanit i duhen më shumë punëtore gra, meqë edhe situata ekonomike sa shkon e përkeqësohet.

LEXONI GJITHASHTU: 

• Koalicioni “Bashkë fitojmë” kërkon në KAS heqjen e logove nga fleta e votimit
• EMRI| Ekstradohet nga Spanja 33-vjeçari i dënuar për arsenal armësh e municionesh
• Luftë diplomatike SHBA-Brazil, Uashingtoni kritikon Lula për Ukrainën