OKB: Tre infermierë janë vrarë në spitalin Al-Shifa pas bombardimeve

Tre infermiere në Al-Shifa thuhet se janë vrarë pasi “bombardimet dhe përleshjet e armatosura” rreth spitalit janë intensifikuar, thotë OKB.

Në një përditësim të dielën, OKB thotë se infrastruktura kritike në spital është dëmtuar gjithashtu duke përfshirë një strukturë të gjenerimit të oksigjenit, rezervuarët e ujit dhe një pus, objektin kardiovaskular dhe repartin e maternitetit.

Izraeli ka akuzuar më parë Hamasin për funksionimin e një qendre komanduese nëntokësore nën vendin e spitalit më të madh të Gazës, gjë që Hamasi e mohon.

I pyetur nëse Hamasi po vepronte brenda Al-Shifa, kreu i kirurgjisë së spitalit Dr Marwan Abu Saada tha se akuzat ishin një “gënjeshtër e madhe”.

“Ne jemi civilë. Unë jam mjek-kirurg. Ne kemi staf mjekësor, kemi pacientë dhe njerëz të zhvendosur. Asgjë tjetër.”

Ditët e fundit zona rreth Al-Shifa në veri të Gazës ka përjetuar luftime të ashpra, me Izraelin që akuzohet se ka sulmuar drejtpërdrejt spitalin.

Ushtria izraelite thotë se po operon në zonën e spitalit, por mohon të ketë sulmuar objektin.

LEXONI GJITHASHTU:

• Eksperti i kriminalistikës: 53% e gjyqtarëve s’kanë kaluar vettingun
• Mijëra spanjollë protestojnë kundër planit për t’i amnistuar separatistët katalanas