Oklahoma City Thunder shkëlqen në finalen e shtatë dhe fiton titullin në NBA

Oklahoma City Thunder është shpallur kampione e NBA, pasi mposhti Indiana Pacers në finalen e shtatë me rezultatin 103-91, duke mbyllur serinë me rezultatin 4-3 dhe duke siguruar titullin e dytë në histori, pas atij të vitit 2008.

Pas një sezoni të jashtëzakonshëm, skuadra e drejtuar nga Mark Daigneault, 40-vjeçar, arriti të triumfonte në një seri finaleje dramatike dhe të luftuar deri në fund.

Finalja e shtatë ishte e balancuar në pjesën e parë: Periudha e parë përfundoi 25-23 për Oklahomën, ndërsa e dyta u fitua nga Indiana 26-22. Perioda e tretë, vendimtare për fatin e ndeshjes, u dominua nga Thunder me një diferencë prej 14 pikësh, që krijoi një avantazh të pakapërcyeshëm për Pacers. Perioda e fundit përfundoi në favor të Indianës, por vetëm me 1 pikë diferencë, e pamjaftueshme për të ndryshuar rezultatin përfundimtar.

Ylli i ndeshjes ishte Shai Gilgeous-Alexander, i cili udhëhoqi Oklahomën me 29 pikë, ndërsa për Indianën më i miri ishte Bennedict Mathurin.

Fitorja e Thunder erdhi pas një sezoni ku ata shfaqën vazhdimësi, lojë kolektive dhe karakter, duke fituar zemrat e tifozëve dhe respektin e kundërshtarëve. Ky titull është një moment historik për organizatën dhe një konfirmim i suksesit të projektit të ri të ndërtuar vitet e fundit.

LEXONI GJITHASHTU:

• Doncic përballë Tatum një finale e madhe në version ndryshe këtë sezon në NBA
• Del në shitje makina e Jordan/ U ble në 1991 nga kampioni i NBA, sa janë ofertat