Ollie Bearman firmos me Haas për vitin 2025

Talenti i Ferrari’t, Ollie Bearman siguroi një kontratë me kohë të plotë në Formula 1 nga viti 2025 pas ra dakort për një kontratë shumë vjeçare me amerikanët e Haas. 19 vjeçari britanik impresionoi Botën e Formula 1 kur zëvendësoi Carlos Sainz në bordin e Ferrari’t për garën e Arabisë Saudite. Ai mori pikët e para në debutim pas vendit të 7’të.

Aktualisht Bearman garon në F2 me PREMA Racing duke fituar garën e 1’rë të sezonit dhe të 4’ën në karrierë gjatë fundjavës që lamë pas në “Sprint Race” të Austrisë. Aktivitet që ai e kryen paralelisht me rolin e pilotit rezervë për Haas dhe Ferrari’n në Formula 1.

Gjithashtu do të testojë për të 6 herë në Provat e 1’ra të lira për Haas në Silverstone.
Ndërkohë që Nico Hulkenberg do të transferohet te Sauber/Audi vitin tjetër dhe kontrata e Kevin Magnussen përfundon në mbyllje të këtij viti, ka ende një vend bosh për 2025 te Haas.

Piloti i Alpine, Esteban Ocon është pretendenti kryesor përpara rivalit të Sauber, Valtteri Bottas që besohet se është nën konsiderim. Gjithashtu Magnussen mund të “luftojë” për të njëjtin vend në vazhdon të përsërisë performance si ajo në Austri ku ai përfundoi në vendin e 8’të.

LEXONI GJITHASHTU:

• Formula 1, Italia rrezikon të humbasë një garë
• Formula 1 starton sezonin evropian