‘Omicron’ mund të shënojë fundin e pandemisë sipas mjekut Pipero

Mjeku Pëllumb Pipero thotë se ‘Omicron’ mund të shënojë fundin e pandemisë së COVID-19.

“Mendoj që për shumë arsye ky virus ‘Omicron’ shënon fillimin e fundit të pandemisë”, tha ai gjatë emisionit “Now”.

Ndaj sipas mjekut ndoshta përdorimi i dozës së katër apo të pestë që ka nisur të diskutohet ndoshta nuk do të jetë e nevojshme kurrë.

“Është herët që të flasim për një dozë të katërt. Ndoshta nuk do të vijë koha kurrë për të bërë një dozë të katërt apo të pestë”, tha Pipero.

Nga ana tjetër mjeku i njohur jep edhe parashikimin e keq, ku COVID-19 mund të mbetet një virus i përhershëm.

“Për mua lajmi i keq do të ishte fillimi i qarkullimit në formë endemike të virusit njëherë në hemisferën veriore dhe një herë në hemisferën jugore dhe kjo do të bënte që virusi të mbetej gjithmonë mes nesh”, tha ai.