Omonia paralajmëron: Lirojeni Fredin para se t’ju marrë para zemërimi i himariotëve
Sekretari i organizatës ‘Omonia’, Marin Suli, ka mbajtur fjalën e tij në protestën që po zhvillohet në Himarë për lirimin e Fredi Belerit nga burgu.
Ai theksoi se sheshi ku po zhvillohet protesta do të quhet “Sheshi i Lirisë” në ditën që do të lirohet Beleri nga burgu.
Suli nënvizoi se burgu politik i rilindjes nuk do ta mbajë dot gjatë Belerin pas hekurave.
“Nga sot falë jush ky shesh ka një emër të ri, është sheshi i dinjitetit të lirisë. Ditën e parë të lirisë së Fredi Belerit, ky shesh do të mbajë emrin e “Shesh i Lirisë”. Dua të ju falënderoj për shansin që na keni dhënë fuqi për të drejtuar Himarën për katër vitet e ardhshme. Vullneti i shumicës për fat të kequ nëpërkëmb duke mbajtur në burg Fredi Belerin. Burgu politik dhe rilindas nuk do ta mbajë dot gjatë Belerin. Ai do të jetë kreu i Bashkisë së Himarës. Dora e zezë e zuzarëve nuk do ta mbajë larg kryetarin nga zyra e Bashkisë. Fitorja jonë, fitorja e Fredit është e padiskutueshme. Janë 4 mijë himarjotë që kanë votuar për Belerin. Lirojeni para se të ju marrë zemërimi i himarjotëve. Ne e kemi zgjedhur fatin tonë dhe drejtuesin tonë”- tha ai.
LEXONI GJITHASHTU:
ISHP: Kujdes nga vapa, ja problematika shëndetësore që shkakton
Rrebeshe të forta shiu përfshijnë Elbasanin, vështirësi në qarkullimin rrugor
Rrufeja godet tufën e bagëtive në Librazhd, ngordhin 14 dhi
- 18:30 Rutte: 500 avionë amerikanë u ngritën nga Italia kundër Iranit
- 18:25 Pse vala vdekjeprurëse e të nxehtit në Evropë nuk është për shkak të një fenomeni natyror të motit
- 18:18 BE-ja shkurton afatin e pranimit të Ukrainës për shkak të rezistencës hungareze
- 18:14 Sanchez hedh poshtë kritikat për korrupsion
- 18:11 SHBA, Britania dhe aleatët paralajmërojnë: Modelet e reja të AI-së po rrisin rrezikun e sulmeve kibernetike
- 18:02 ISHP: Kujdes nga vapa, ja problematika shëndetësore që shkakton