Një person është arrestuar gjatë një operacioni antidrogë të zhvilluar nga policia e Korcës. Në kuadër të operacionit të koduar Aksi u vu në pranga shtetasi Skerdiljan Spahi 32 vjeç, banues në fshatin Cangonj.

Ky shtetas u kap në aksin “Bilisht -Korçë”, duke transportuar me automjetin e tij 4 qese me kanabis (3 kilogramë) të cilat i kishte fshehur në pjesën e motorit të automjetit.

Materialet procedurale i kaluan Prokurorisë pranë Gjykatës së Shkallës së Parë të  Juridiksionit të Përgjithshëm Korçë, për veprime të mëtejshme.