Operacioni i SPAK në Krujë, nga kontrollet u sekuestruan armë dhe 415 mijë euro

Detaje të reja janë zbardhur lidhur me operacionin e zhvilluar këtë të mërkurë me urdhër të SPAK në Krujë. Gjatë operacionit janë sekuestruar 415 mijë euro.

Gjithashtu janë sekuestruar disa armë zjarri e sende të tjera me vlerë si automjete dhe orë rolex. Pjesa tjetër nga 430 mijë në total janë në valuta të tjera.

Nga operacioni i FNSH u arrestuan Marvin Bushati, Agim Nina alias Lorenc Izet Selmani, Sokol Qaja, Zamir Aliaj, Gazmir Rraja, Përparim Rraja dhe Rexhep Rraja. Mes të arrestarve është edhe Rexhep Rraja, djali i ish-deputetit socialist, Rrahman Rraja.

Ata akuzohen për veprat penale trafikimi i lëndëve narkotike e kryer në bashkëpunim në formën e veçantë të bashkëpunimit atë të grupit të strukturuar kriminal. 7 personat e arrestuar kanë qenë në kërkim nga operacionet e mëparshme të SPAK.

Lidhur me operacionin janë shpallur në kërkim 4 persona. Ata janë identifikuar si Ervis Shuli, Bujar Sefa, Hajdar Sefa dhe Vildan Baroku.