14 masa sigurie nga SPAK, gazetarja jep detaje nga operacioni i FNSH në Krujë

Gazetarja e Euronews Albania, Sara Demushi ka zbuluar detaje të reja lidhur me operacionin e zhvilluar mëngjesin e sotëm nga FNSH në Krujë dhe Nikël. Gazetarja ka bërë më dije se SPAK ka lëshuar 14 masa sigurie nga të cilat 6 janë ekzekutuar gjatë kontrolleve të kryera këtë të mërkurë.

Ajo shton se 3 masa sigurie janë lëshuar edhe për Islam Sefan, Aldo Gjinin dhe Jani Çavot të cilët ndodhen në burg. Komunikimet në Sky Ecc kanë zbuluar aktivitetin kriminal të grupit të akuzuar për lëndë narkotike.

“SPAK ka goditur një grup i cili akuzohet për trafik të lëndëve narkotike, Bëhet fjalë për 14 masa siguri të cilat gjatë mëngjesit të sotëm ku ka patur një operacion në zonën e Krujës dhe Niklës. FNSH ka arritur të ekzekutojë 6 prej tyre ndërsa nga ana tjetër 4 të tjerë anë shpallur në kërkim.

3 të tjerë janë aktualisht në burg. Të arrestuarit janë: Marvin Bushati, Agim Nina alias Lorenc Izet Selmani, Sokol Qaja, Gazmir Rraja, Përparim Rraja dhe Rexhep Rraja.

Rexhep Rraja është djali i ish-deputetit socialist, Rrahman Rraja. Operacioni drejtohet nga prokurori Adnan Xholi dhe janë pikërisht komunikimet e zbuluara nga Sky Ecc të cilët kanë bërë të mundur zbardhjen e emrave dhe deri në arrestimin e tyre,” tha ajo.

LEXONI GJITHASHTU:

• Kontrollet e FNSH në Nikël dhe Krujë, zbardhen emrat e të arrestuarve
• Operacioni i FNSH në Krujë, në kërkim edhe 4 persona të tjerë