Operacioni italo-shqiptar: Sekuestrohen 100 mijë euro dhe një vilë në Torre a Mare

Autoritetet italiane kanë sekuestruar 100 mijë euro dhe një vilë në zonën bregdetare të Torre a Mare, në kuadër të hetimeve të nisura nga operacioni i përbashkët italo-shqiptar “Ura”, i zhvilluar më 21 maj.

Sekuestrimi u krye ndaj një shtetasi italian, tashmë i arrestuar dhe ndodhur në burg, i dyshuar për përfshirje në trafikun ndërkombëtar të drogës mes Shqipërisë, Italisë dhe Belgjikës. Sipas gjykatës italiane, pasuritë janë përfituar nga veprimtaritë kriminale, kryesisht trafiku i kokainës dhe heroinës.

Operacioni “Ura”, i zhvilluar nga Prokuroria Antimafia e Barit në bashkëpunim me SPAK-un në Tiranë, goditi 52 persona të dyshuar për trafik narkotikësh, pastrim parash dhe shpërdorim detyre. Sekuestrimi i fundit është pjesë e këtij hetimi të gjerë, që synon goditjen e rrjeteve kriminale shqiptare të përfshira në trafikun e lëndëve narkotike.

Gjatë fazave të mëparshme të operacionit janë sekuestruar pasuri të ndryshme në Shqipëri dhe Itali, me vlerë disa miliona euro.

LEXONI GJITHASHTU:

• Nuk u ndje mirë, shoqërohet me autoambulancë ish-komandanti i UÇK-së, flet familjari
• Protesta në Tiranë, Presidenti Begaj: UÇK-ja është themeli i lirisë së Kosovës