Operatori turistik dhe gazetarja japin arsyet pse shqiptarët nuk i bëjnë pushimet jashtë vendit

Vetëm 1 në 10 shqiptarë kanë bërë pushime jashtë vendit gjatë këtij viti, sipas rezultateve të dala nga “Barometri” i Euronews Albania.

I ftuar në studion e Barometrit, operatori turistik Arben Çipa tha se shqiptarët këtë vit kanë vizituar kryesisht Vlorën dhe Sarandën dhe arsyeja, sipas tij, është për shkak të infrastrukturës së re dhe shërbimeve që janë shtuar.

“Ka pasur një tendencë, ose një dëshirë apo kureshtje që turistët shqiptarë të prekin Vlorën dhe Sarandën”, tha Arben Çipa.

Kushtet për të dalë jashtë vendit ishin më të vështira sipas z. Çipa, ndaj shqiptarët kanë zgjedhur të qëndrojnë brenda vendit.

Për gazetaren e turizmit, Flora Xhemani Baba, përqindja e ulët e shqiptarëve që kanë bërë pushime jashtë vendit është normale, për shkak të procedurave që kërkoheshin për të udhëtuar jashtë, të cilat shoqërohen me shpenzime të shtuara.

“Është normale, pasi vendet e tjera kishin procedura si tetsi pcr, tamponi që ishin shpenzime të shtuara”, u shpreh znj. Xhemani Baba.

LEXONI GJITHASHTU:

• Ku i bëjnë pushimet shqiptarët