Optimizëm në tregjet e aksioneve evropiane e amerikane, priten negociata Kinë-SHBA

Indekset e aksioneve evropiane dhe amerikane po rriten sot pas njoftimit të një marrëveshjeje paraprake tregtare midis Shteteve të Bashkuara të Amerikës dhe Mbretërisë së Bashkuar, ndërsa tregjet mezi presin edhe bisedimet e rëndësishme tregtare midis Kinës dhe Shteteve të Bashkuara që fillojnë në fundjavë në Zvicër.

Përveç kësaj, investitorët do të ndjekin raportet e fitimeve të “Commerzbank” gjermane, “Mediobanca” italiane dhe kompanisë spanjolle të telekomunikacionit “Cellnex”, raporton CNBC.

Në orën 9:30 të mëngjesit të sotëm, indeksi DAX i Bursës së Frankfurtit u rrit me 0.55 për qind në 23,472.50 pikë, ai i Londrës FTSE 100 me 0.33 për qind në 8,559.98 pikë, ai francez CAC 40 me 0.52 për qind në 7,733.59 pikë, ndërsa Bursa e Moskës ishte e mbyllur për shkak të festave dhe festimeve të Ditës së Fitores.

Vlera e indeksit të aksioneve amerikane Dow Jones u rrit me 0.62 për qind në 41,368.45 pikë , indeksi S&P 500 me 0.58 për qind në 5,663.84 pikë, dhe vlera e indeksit Nasdaq me 1.07 për qind në 17,928.14 pikë.

Kontratat e ardhshme të gazit evropian për muajin qershor u shitën në hapjen e bursës “TTF” me një çmim prej 35.7 eurosh për megavat-orë.

Sipas të dhënave aktuale nga bursa, çmimi i naftës bruto u rrit në 60,345 dollarë, dhe çmimi i naftës Brent në 63,268 dollarë.

Çmimi i arit u rrit në 3,327.72 dollarë për ons, dhe çmimi i grurit u rrit në 5.1378 dollarë për bushel (një bushel është i barabartë me 27.216 kg).

LEXONI GJITHASHTU:

• Politikat tregtare të SHBA-së, aksionet e Azisë rriten sërish
• Rriten tregjet e aksioneve, shkak tërheqja e Trump në luftën tregtare me Kinën