Orban: Qeveria hungareze do pyesë popullin e saj për sanksionet kundër Rusisë

Kryeministri hungarez, Viktor Orban, deklaroi se qeveria do t’u kërkojë qytetarëve të shprehin mendimin e tyre për sanksionet kundër Rusisë.

Gjatë një fjalimi në parlament, kryeministri u shpreh se edhe pse sanksionet kanë dëmtuar ekonominë e vendit, qeveria mund të jetë në gjendje të sigurojë që Hungaria të dalë më e fortë nga kriza, shkruan Euronews Serbia.

Ai njoftoi se qeveria hungareze do të jetë e para që do t’i kërkojë popullit të saj të shprehë mendimin e tyre për sanksionet e vendosura ndaj Federatës Ruse në përgjigje të luftës në Ukrainë.

“BE e akuzon shpesh Hungarinë për shkelje të vlerave evropiane, por vlera më e lartë evropiane është demokracia. Sanksionet u vendosën nga burokratët e Brukselit dhe elita evropiane. Ato nuk u miratuan në një proces demokratik. Qytetarëve të vendeve evropiane nuk u kërkuan opinion, edhe pse ata paguajnë çmimin për këto sanksione”, u shpreh kreu i qeverisë hungareze.

Orban paralajmëroi se ekonomina evropiane do të përkeqësohet nëse situata nuk ndryshon.

Sipas tij, lufta në Ukrainë, e cila fillimisht ishte një konflikt lokal mes Rusisë dhe Ukrainës, për shkak të sanksioneve perëndimore, është shndërruar në një luftë ekonomike globale që kërcënon të rrënojë ekonominë evropiane dhe të të gjithë botës.

LEXONI GJITHASHTU

• Refuzon të shkojë në luftë, burri rus i vë flakën vetes
• ‘E marrim shumë seriozisht’, BE e shqetësuar për marrëveshjen mes Serbisë dhe Rusisë
• Ambasadori amerikan në Beograd: Presim sqarime për marrëveshjen e Serbisë me Rusinë