Organizatorët e laboratorit në arrati?!/ Beçi: “Deja Vu”me Xibrakën!

Goditja e rrjetit ndërkombëtar të trafikut të kokainës nga vendet e Amerikës Latine, dhe zbulimi i një  laboratori të sofistikuar në fshatin Qerekë të Fushë-Krujës ishte temë e mbrëmjes së sotme në emisionin “Review” në Euronews Albania. Ish-prokurori Beçi duke folur mbi këtë çështje u shpreh se kjo është një “deja vu” me laboratorin e Xibrakës dhe nuk është një risi por kësaj here “SPAK” e kishte nën kontroll plehun kimik që vinte në shtator dhe priti ngarkesën e dytë të nëntorit.

“Xibraka pati dështime për shumë arsye objektive të cilat nuk e goditën deri në fund grupin kriminal, ka të dhëna operative nga policia se kush është ky grup që organizonte punën në atë laborator por deri me sot nuk është marrë me prova konkrete për të vënë në ndjekje penale këtë grup”, tha Beçi.