Organizonte lojëra fati në lokalin e tij, arrestohet 31-vjeçari

Një 31-vjeçar është arrestuar nga forcat e policisë, pasi kishte përshtatur një ambient të fshehtë në lokalin e tij për të ushtruar aktivitetin e paligjshëm të lojërave të fatit.

Shtetasi M.N u vu në pranga pas finalizimit të operacionit policor të koduar “Gaminator”, zhvilluar nga Komisariati i Policisë Nr. 4.

Gjatë kontrollit të ushtruar në lokalin e këtij shtetasi në rrugën “Siri Kodra”, shërbimet e policisë gjetën dhe sekuestruan në cilësinë e provës materiale, dy makineta që shërbejnë për lojërat e fatit dhe një valixhe me çipsa për poker.

31-vjeçari akuzohet për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.

LEXONI GJITHASHTU

• Varësia nga lojërat e fatit, të rinjtë me borxhe për të vënë baste