Organizonte lotari të paligjshme në lokal, arrestohet 24-vjeçari në Kamëz

Një person është arrestuar dhe një tjetër është shpallur në kërkim nga policia pasi është kapur në flagrancë duke organizuar lotari të palejuara, në një lokal në Kamëz.

Në kuadër të operacionit të koduar “Game over” është vënë në pranga shtetasi Ernest Lama, 24 vjec banues në Kamëz dhe është shpallur në kërkim Alban Kurpali 35 vjeç, banues në Kamëz.

Gjatë kontrollit të ushtruar në lokalin në pronësi të shtetasit A. K., në rrugën “Donald Trump”, shërbimet e Policisë kanë konstatuar 1 tavolinë pokeri, çipsa, celularë dhe letra bixhozi, të cilat shtetasi E. L., punonjës i lokalit, i përdorte për organizimin e lojërave të fatit.

Në cilësinë e provës materiale u sekuestruan 1 tavolinë pokeri, çipsa, celularë dhe letra bixhozi.

LEXONI GJITHASHTU:

• Flakët në fshatrat e Dropullit, arrestohet autori i dyshuar i zjarrëvënies
• Arrestohet 27-vjeçari në Korçë, akuzohet për tentativë vrasje