​Osmani: Të shikohet nëse po respektohen të drejtat e të akuzuarve në Hagë

Presidentja e Kosovës, Vjosa Osmani ka deklaruar se institucionet e vendit duhet të diskutojnë dhe të shohin nëse po respektohen të drejtat e njeriut në rastin e ish-krerëve të ushtrisë Çlirimtare të Kosovës të cilët po qëndrojnë në paraburgim në Hagë.

E para e shtetit nënvizoi i ka quajtur thashetheme pretendimet për trafikim organesh, të përmendura në raportin e senatorit zviceran Dick Marty, raport ky i miratuar pastaj në Këshillin e Evropës.

“Unë besoj që do të ulemi dhe do të diskutojmë me institucionet në radhë të parë se si mund të bëjmë çmos që ligjet që i ka miratuar vetë Kuvendi i Kosovës, që amendamentet kushtetuese që i ka miratuar vetë Kuvendi i Kosovës me dy të tretat e votave, të shohim sa po zbatohen edhe sa i përket mbrojtjes së të drejtave të akuzuarve me këtë rast, sepse kemi të bëjmë me një kontekst të lirive dhe të drejtave themelore të cilat janë pjesë e Kushtetutës sonë dhe të cilat i ka marrë përsipër t’i zbatojë edhe vet gjykata speciale”, ka thënë Osmani.

LEXONI GJITHASHTU:

• Berisha: Më kanë ndaluar hyrjen në Britaninë e Madhe
• Rrjet spiunazhi, e-mail që u mbërriti deputetëve nga muxhahedinët