Osmani: Kuvendi dhe qeveria duhet të formohen sa më shpejt

Presidentja e Kosovës, Vjosa Osmani, bëri thirrje që konstituimi i Kuvendit dhe formimi i qeverisë të bëhen sa më shpejt, duke theksuar se çdo vonesë është e dëmshme për vendin dhe qytetarët.

“Çdo ditë e humbur është një ditë e humbur për Kosovën, për popullin dhe për perspektivën tonë euroatlantike. Shpresoj që të gjendet një zgjidhje në përputhje me kushtetutën, që kuvendi dhe qeveria të funksionojnë pa vonesa,” tha Osmani.

Presidentja i bëri këto deklarata pas homazheve në monumentin e personave të zhdukur, në kuadër të Ditës Ndërkombëtare të Zhdukjeve me Forcë, duke nënvizuar rëndësinë e përkushtimit institucional për të ardhmen e vendit.

LEXONI GJITHASHTU:

• Votimi për nënkryetarin serb mban peng konstituimin e Kuvendit të Kosovës
• Zgjidhet ngërçi politik, kush është kryeparlamentari i ri i Kosovës