Osmani: Pas 24 shtatorit, dialogu me Serbinë duhet të rimendohet

Presidentja e Kosovës Vjosa Osmani, ka thënë se procesi i dialogut duhet të rimendohet. Këto komente ajo i ka bërë në një konferencë për media.

Osmani tha se për agresionin e 24 shtatorit nuk ka dyshim se prapa saj qëndron Serbia.

“Tashmë janë bërë më shumë se 12 vjet në dialog dhe është koha për reflektim dhe qasja e marrë për këto 12 vite e ka inkurajuar Vuçiçin, që të kryejë dhunë dhe agresion”, tha Osmani, raporton KlanKosova.

“Janë katër elemente që e çojnë përgjegjësinë apo linjen komanduese deri tek presidenti Vuçiç. E para ka të bëjë me financimin, ka dëshmi të evidentuara edhe muaj më parë.

E dyta ka të bëjë me armët, të cilat janë prodhuar në industrinë ushtarake të Serbisë, dhe janë dhënë nga shteti serb për terroriste. E treta ka të bëjë me trajnimet që as shteti serb nuk i mohon se ji ka kryer për këto grupe terroriste dhe e katërta ka të bëjë me lidhjet politike me terroristët serbe”, tha ajo.

“Nuk ka më dyshim. Unë e kuptoj që shtetet veç e veç mund t’i procedurat për konfirmim të informacioneve. Ne presim që pas përfundimit të procedurave që shtetet anëtare të ndërmarrin masa”, tha e para e shtetit të Kosovës.

LEXONI GJITHASHTU:

• Rama: Kosova të mos ‘mbytet në një lugë ujë’, të veprojë e pavarur nga Serbia
• “Franca pezulloi vizat për Kosovën”, Macron: Pres përgjegjshmëri nga Kurti e Vuçiç