Osmani: Përballemi me sfidën e sigurisë, kemi nevojë për mbështetjen e Shqipërisë

Presidentja e Kosovës Vjosa Osmani tha se Kosova përballet sot përballet me sfida të sigurisë ndaj ka nevojë për mbështetjen e Shqipërisë në arenën ndërkombëtare për t’u bërë zëri i saj në institucionet ku nuk ka përfaqësim.

Në konferencën e përbashkët për shtyp me presidentin Bajram Begaj në kuadër të vizitës së saj zyrtare në Tiranë, Osmani u shpreh se kombi shqiptar ka qenë dhe mbetet faktor stabiliteti në rajon, të vendosur për të mbrojtur vlerat euroatlantike që rrezikohen nga Rusia dhe Serbia.

“Kombi shqiptar ka qenë dhe mbetet faktor stabiliteti në rajon. Kemi nevojë për mbështetjen  e Shqipërisë që të jetë zëri ynë në instancat ndërkombëtare ku Kosova nuk ka përfaqësim. Bashkërendimi për një veprim të unifikuar të politikës së jashtme është fokusi i vizitës sime. Jemi të vendosur të mbrojmë së bashku vlerat që po atakohen nga Rusia dhe satelitet e saj në rajon. Serbia angazhohet në agresion institucional ndaj Kosovës ndaj kemi nevojë për mbështetjen e Shqipërisë dhe aleatëve. Dialogu me Serbinë vazhdon por rezultati përfundimtar është vetëm njohja reciproke dhe ruajtja e integritetit territorial të Kosovës”, tha Osmani.

LEXONI GJITHASHTU:

• Begaj konferencë me Osmanin: Dialogu, rruga e paqes. Shqipëria mbështet Kosovën
• Vjosa Omani në Shqipëri, takime kokë më kokë me Begajn e Ramën