Osmani: Rusia e Serbia po tentojnë të destabilizojnë Kosovën dhe Ballkanin

Rusia dhe Serbia si aleate e saj, po tentojnë të destabilizojnë Kosovën dhe rajonin e Ballkanit.

Kështu është shprehur Presidentja e Kosovës, Vjosa Osmani në një takim më kryetarin e Parlamentit të Maqedonisë së Veriut, Talat Xhaferi.

Në takimin e zhvilluar në Prishtinë theksi ishte tek lufta e nisur nga Rusia kundër Ukrainës.

Nisur nga ky fakt, Osmani kërkoi që Kosova të anëtarësohet sa më shpejt në NATO për të siguruar paqen dhe stabilitetin në rajon.

Kreu i shtetit të Kosovës tha se nisma ‘Open Balkan’ i shërben Serbisë për shtrirje të hegjemonisë së saj në rajon.