Eksperti i sigurisë Drizan Shala komentoi në një intervistë për Euronews Albania vizitën e presidentes Vjosa Osmani në Shqipëri.

Ai tregoi se Vjosa Osmani dhe  Edi Rama kanë pasur komunikime shumë të shpeshta në korrik, para se Rama të dërgonte draftin për asociacionin.

“Çështja e komunikimit mes Ramës dhe Osmanit lidhet me muajin korrik kur patëm deklarimin e Ramës për asociacionin. Para se të bëhej publike ka pasur një komunikim të shpeshtë të Ramës dhe Osmanit pasi Rama i ka thënë osmanit që të tërhiqet. I ka thënë se nëse do të vazhdoj të qëndrojë prapa qeverisë së Kurtit do të ketë një izolim të Kosovës dhe se duhet të marrë rolin e saj si përfaqësuese e politikës së jashtme të Kosovës. Osmani duhet t’i kërkojë falje publike Ramës për deklaratat për të cilat është ndikuar nga qeveria e Kosovës”, tha eksperti.