“Pa hyrë unë nuk hyni”-Noka përplaset me socialistët, PD bllokon dyert e parlamentit

Deputetët e opozitës të përjashtuar nga seancat janë përplasur me punonjësit e gardës të cilët nuk i kanë lejuar të futen në Parlament.

Ata kanë bllokuar të dyja dyert e Parlamentit, derën kryesore dhe atë dytësore dhe nuk kanë lejuar deputetët e PS të futen në sallë duke u përplasur verbalisht dhe fizikisht me ta.

Deputeti Flamur Noka është përplasur me deputetin e PS, Ilir Metaj, të cilin nuk e ka lejuar të hyjë në parlamet. “Pa hyrë  unë nuk do hysh”, është dëgjuar të thotë Noka.

Sali Berisha në një prononcim për mediat jashtë parlamentit tha se këto nuk janë pamje të një republike parlamentar, por të një narkorepublike.

Shikoni, deputetë, ministra që rrinë jashtë, mjaftin që opozita të mos jetë në parlament, ky është koncepti i tyre për parlamentin, për ta parlamenti është Edi Rama, ai është sulltani”, tha Berisha.

LEXONI GJITHASHTU:

• Deputetët e PD përplasen me kolegët socialistë, s’i lejojnë të hyjnë në Parlament
• Shtyrje dhe përplasje në hyrje të parlamentit, Noka thyen xhamin e derës kryesore