Pacolli e quan primitiv vendimin për shkarkimin e ambasadorëve: Hakmarrje ndaj meje

Lideri i AKR-së, Behgjet Pacolli e ka quajtur veprim të keq, primitiv shkarkimin e 12 ambasadorëve nga ministrja e Punëve të Jashtme të Kosovës, Donika Gërvalla.

“Ka qenë një veprim i keq, një veprimi njerëzve të frustruar. E kam konsideruar këtë si aktin më primitiv që ka ndodhur. Çfarë faj kanë pasur ata? Pse nuk më kane thirrur mua në përgjegjësi, do i mbroja ata, sigurisht me fakte”, u shpreh z. Pacolli, teksa shtoi se gjithçka ka qenë një hakmarrje ndaj tij e një drejtori në ministrinë e Jashtme.

Sipas, kreut të AKR-së, i cili ka mbajtur edhe postin e ministrit të Jashtëm, mos-përfaqësimi në 20 ambasada jashtë vendit është një dobësi e madhe për diplomacinë.

“Është dobësi e madhe, kemi humbur në këtë drejtim shumë vite të diplomacisë tonë. Jemi në një vrimë të zezë ku diplomacia jonë është shkëputur nga realiteti”, tha z. Pacolli.

LEXONI GJITHASHTU:

• Behgjet Pacolli: Kam frikë se asociacioni do të firmoset siç ka kërkuar Serbia, Kurtit i mungon transparenca
• Pacolli: Thaçi më tha se në aktakuzë ka emra dhe vende që nuk ekzistojnë