Pacolli: Thaçi më tha se në aktakuzë ka emra dhe vende që nuk ekzistojnë

Kreu i Aleancës Kosova e Re Behgjet Pacolli tha se ka vizituar ish-krerët e UÇK-së në Hagë.

Sipas tij Thaçi, Veseli dhe Selimi nuk kanë pse i nënshtrohen jetës së paraburgimit për aq kohë sa asnjë akuzë nuk qëndron. Kreu i AKR-së zbuloi për Euronews Albania se Thaçi kishte thënë që në aktakuzë kishte hasur emra dhe vende që as nuk dinte të kishin ekzistuar.

Sipas Pacollit kjo është provë e qartë se aktakuzat janë më shumë të fabrikuara nga njëra palë dhe të paverifikuara.

“U gëzova shumë që shkova aty dhe ishte një ndjenjë e bukur të qëndroje me ta, por pak u mërzita kur i lash në fund,” – u shpreh ai ndërsa theksoi se beson në kthimin e tyre ballëlartë.

Në bisedën me Pacollin ish-krerët e UÇK-së kishin shprehur dëshirën e tyre për vijimin e procesit të dialogut pavarësisht forcës politike që e çonte para këtë proces.