Padia e ish-kryepolicit të Shkodrës ndaj Bardhit, SPAK kërkon të shpallet fajtor

Në procesin që po mbahet në gjykatën e Posaçme për deputetin Demokrat i paditur për shpifje nga ish-drejtori i policisë së Shkodrës Edmond Sula, Prokuroria e Posaçme kërkoi që Bardhi të shpallet fajtor.

Nga ana tjetër avokatët e Bardhit i thanë gjykatës se klienti i tyre është i pafajshëm, me argumentin se deklarimet në parlament janë bërë në cilësinë e deputetit dhe në interes të opinionin publik.

Tashmë gjykata është tërhequr në dhomë këshillimi për të dhënë vendimin.

E gjithë çështja nisi më 12 shtator 2024 kur Gazmend Bardhi gjatë një interpelance në Kuvend, bazuar në disa materiale të referuara nga SPAK, kishte deklaruar se Edmond Sula ishte një person i emëruar nga grupet e strukturuara kriminale dhe i shërbente këtyre grupeve.

Nga ana tjetër, lidhur me këto akuza të Bardhit, pala mbrojtëse e Sulës ka theksuar më parë se bisedat dhe materialet e përmendura nga Bardhi i përkisnin periudhës 2019-2020, tri vite para se Sula të emërohej në detyrën e tij.

LEXONI GJITHASHTU:

• Tjetër kallëzim për shpifje në GJKKO për Gazmend Bardhin
• Bardhi viziton DASH, takim me të dërguarin për Ballkanin Perëndimor