Pakujdesitë që shkaktojnë zjarre në shtëpi, mes tyre edhe karikuesat e telefonave

Raportimet për rënie zjarri në kryeqytet por jo vetëm, në gjithë Shqipërinë kanë qënë të shumta kohët e fundit.

Vetëm ditën e enjte një zjarr i përmasave të mëdha u parandalua dhe kjo falë ndihmës së banorëve.

Një hekur rrobash i harruar në prizë, u bë shkak që një apartament të shkrumbohej i gjithi në zonën e “Varrit të Bamit”. Kjo nuk është hera e parë që pakujdesi të tilla, kanë sjellë pasoja të mëdha.

“Kemi pasur raste, në banesa që është shfaqur zjarri dhe nga karikusi i telefonit. Shpeshherë dhe në e shohim që karikuesët janë të nxehur… Duhet që në banesa sa hërë largohen të kontrollojnë pasijet elektroshtëpiake, qoftë dhe pema e Vitit të Ri apo dhe një karikues telefoni”, tha Shkëlqim Goxhaj, drejtor i Zjarrfikëses në Tiranë.

Një tjetër problem që vijon të jetë prej shumë kohës, pavarësisht thirrjes për kujdes, janë bombulat e gazit. Rrjedhjet e gazit janë në krye të listës sa i takon shkaktarëve për akvitizimin e një vatre zjarri.

Kreu i Zjarrfiksës Tiranë, ngre një tjetër shqetësimin, sidomos për banesat, të cilat nuk kanë asnjë masë parandaluese në rast të rënie zjarri.

“Duhet të kenë në banesa fikse zjarri, në banesa mendoj që një % e vogël i zotërojnë, në bzinese është pothuajse 100%”, tha Shkëlqim Goxhaj, drejtor i Zjarrfikëses në Tiranë.

Zjarri në afërsi të ish-parkut të autobuzave, zjarri në qëndrën Metropol në Lushnjë, në fabriken e bojrave në Maminas, kanë qënë ndër më të vështirët që kanë rënë në vitin 2023, ku dëmet e shkaktuara janë të konsiderueshme.

LEXONI GJITHASHTU:

• Shiste shashka dhe fishekzjarre kontrabandë, procedohet 37-vjeçari në Fier
• Kërkimet pas zjarrit në bujtina në Rumani, 3 fëmijë dhe 4 të rritur mes viktimave