Pallati i Kulturës në Maliq i shkatërruar, asnjë masë prej 6 vitesh

Në vitin 2016, Pallati i Kulturës “Dhimitër Orgocka” në Maliq u përfshi nga flakët dhe sot e kësaj dite, ende nuk është vënë dorë për rikonstruksionin e saj.

Drejtori i Pallatit të Kulturës në këtë qytet, Festim Tomorri tha për emisionin “Mirëmëngjes” në “Euronews Albania” se ka një projekt të vitit 2017, por ende nuk është vepruar nga institucionet përkatëse.

“Ne kemi kontaktuar me Ministrinë e Kulturës. Kemi një projekt të vitit 2017 nga një studio por kjo nuk varet nga ministria, varet nga Kryeministria dhe Fondi Shqiptar i Zhvillimit. Që nga viti 2017, kemi pasur vetëm fjalë dhe jo vepra”, tha ai.

Tomorri bëri me dije se bashkia e Maliqit vuri në dispozicion një fond prej 50 milion lekësh të reja, por për shkak të rritjes së çmimit të materialeve, fondi do të rishikohet.

Ai shpreson se të paktën këtë vit do të kryhet restaurimi i çatisë me fondin e bashkisë.

LEXONI GJITHASHTU

• Në kërkim të personave të pagjetur në Kënetën e Maliqit
• Zjarr masiv në Maliq, digjen 10 hektarë tokë
• Thesaret e Maliqit, vendbanimi prehistorik që u bë hambari i dytë i Shqipërisë