Pamjet me dron tregojnë gjithçka nga shpërthimi në Lushnjë

Emisioni Review në Euronews Albania publikoi pamjet me dron të asaj që ka mbetur pas shpërthimit të fuqishëm në Lushnjë, ku ndërruan jetë 2 persona si dhe u plagosën 7 të tjerë.

Fillimisht u raportua se shpërthimi u shkaktua si pasojë e kontaktit që vinçi pati me një tel të tensionit të lartë që ndodhej pranë fabrikës ku po ndërtoheshin kapanonet.

Por dyshimet janë se kemi të bëjmë me një shpërthim të bombolave të oksigjenit me të cilat po saldohej.

Bombolat dyshohet se ishin të varura në vinç dhe nxehtësia e saldimit ka bërë që ato të shpërthenin dhe të shkaktonin tragjedinë.

Shpërhimi i tyre solli më pas dhe rënien e telave të shtyllës së tensionit të lartë.

Mëngjesin e të shtunës në vendngjarje kanë qenë disa grupe hetimore, të cilat po punojnë për të përcaktuar dinamikën e ngjarjes.

Gjithashtu po hetohet për të gjetur personat përgjegjës të mos respektimit të kushteve të sigurisë në punë.

LEXONI GJITHASHTU:

• “Nuk ndërtohet poshtë shtyllave të tensionit”- Eksperti: Pse shpërtheu fabrika
• Avokati: Nuk pati kontakt me rrymën, pse ndodhi shpërthimi në Lushnjë