Papa Françesku, iu nënshkrua kontrolleve mjekësore në një spital në Romë të mërkurën.

Në një deklaratë për media Vatikani sqaroi se Papa ishte me grip, por pas kontrolleve mjekësore ai u shoqërua sërish në Selinë e Shenjtë.

Imazhet televizive treguan një Fiat të bardhë, një makinë që Françesku përdor rregullisht – duke u larguar nga spitali në qendër të Romës.

Papa Françesku anashkaloi një lexim në audiencën e tij javore të së mërkurës, duke ia deleguar detyrën një ndihmësi dhe duke u thënë besimtarëve se nuk ishte ende mirë.

Papa, i cili ka pasur një sërë problemesh shëndetësore kohët e fundit, kishte anuluar takimet të shtunën dhe të hënën për shkak të asaj që Vatikani e quajti një grip të lehtë .

Të dielën, ai iu drejtua turmave në Sheshin e Shën Pjetrit si zakonisht, për të dhënë mesazhin e tij.

“Të dashur vëllezër dhe motra, unë kam ende pak të ftohtë,” i tha Papa Françesku audiencës të mërkurën, duke njoftuar se dikush tjetër do të lexonte katekzën e tij mbi zilinë dhe kotësinë, dy nga shtatë mëkatet e Biblës.

LEXONI GJITHASHTU:

• Papa Françesku: Kënaqësia seksuale, dhuratë nga Zoti. Të disiplinohet me durim
• Jubileu i Papa Françeskut/ Nis restaurimi i bazilikës së Shën Pjetrit