Papa: Liria e shtypit është thelbësore, duke sjell të vërtetën ajo punon për paqen

Më 3 maj Dita Botërore e Lirisë së Shtypit sjell në qendër të vëmendjes sfidat e frikshme me të cilat përballen gazetarët në mbarë botën. Në këtë ditë nënvizohet nevoja urgjente për gazetari të lirë si një gur themeli i demokracisë. Gazetarët shpesh përballen me kërcënime, shtypje dhe dëmtime fizike për të raportuar të vërtetën.

Papa Françesku tha për këtë ditë se liria e shtypit është thelbësore pasi sipas tij ajo “dallon të vërtetën nga gënjeshtra dhe punon për paqen”

“Liria e shtypit është thelbësore për zhvillimin e një sensi kritik të ndjeshëm dhe për të mësuar të dallojë të vërtetën nga gënjeshtra dhe për të punuar në një mënyrë joideologjike për drejtësinë, paqen dhe respektin për krijimin”,-Papa e deklaroi këtë në X në Ditën Botërore kushtuar lirisë së shtypit.

Kjo ditë thekson natyrën thelbësore të punës së tyre për të hedhur dritë mbi padrejtësitë dhe për të kërkuar llogari nga pushteti. Është një thirrje për veprim për të mbrojtur të drejtat e medias kundër përpjekjeve për të heshtur zërin e tyre.

LEXONI GJITHASHTU:

• “Paqja nuk bëhet me armë” – Papa mesazh të fortë për luftën në Gaza dhe Ukrainë
• Vigjilja e Pashkës katolike, Papa drejton meshën në Vatikan