Paqja ka shumë armiq! Eksperti: Kush e do zgjatjen e luftës në Iran?

Dorand Vojka, ekspert për çështjet ndërkombëtare, ka folur këtë të shtunë në Balkan Talks me Franko Egron për prapaskenat e paqes mes Iranit dhe SHBA. Sipas ekspertit, Arabia Saudite dhe Rusia janë të interesuara të mos ketë paqe për shkak të rritjes së çmimit.

“Paqja ka shumë armiq. Këtu do doja të fokusohesha për pak për të kuptuar se kush janë armiqtë e parë, të cilët po e bëjnë Presidentin Trump të hezitojë për negociata. Ka armiq të brendshëm dhe të brendshëm që janë disa shtete. Mund të them Arabia Saudite dhe Rusia, ku po përfitojnë shuma të jashtëzakonshme se çmimi është rritur. Edhe nga Arabia Saudite ne kemi pasur një raport nga ana e gazetës ndërkombëtare, që Arabia Saudite po balancon buxhetin e saj, diçka që nuk kishte ndodhur në shumë dekada. Pikërisht kjo ka ardhur nga rritja e çmimit të naftës. Nga ana e Rusisë kemi parë jo vetëm një lehtësim të sanksioneve, por dhe çmimi i naftës për fuçi ka bërë që ekonomia ruse, e cila po vuante, për të thënë të vërtetën, përpara se kjo luftë të niste.”-tha eksperti.