Para gjykatës të arrestuarit për kapjen e 60 kg kokainë në anije

Më 17 maj u kapën 53 pako me kokainë në portin e Durrësit, të ndara në 2 çanta.

Lënda narkotike është gjetur në një anije qymyri ‘Unistream’, që transportonte 6 500 ton qymyr, ndërsa kokaina është gjetur në hambar në mes të qymyrit.

12 të arrestuarit, me 3 shtetësi e kombësi, përkatësisht 4 rus, 1 ukrainas dhe 7 filipinezë, kanë mbërritur këtë të martë në Gjykatën e Posaçme të Apelit.

Atyre u janë sekuestruar pasaportat, me kërkesë të SPAK për të mos lejuar daljen e tyre nga vendi. Ekuipazhi i anijes, të cilit nuk i është konstatuar asnjë lidhje me ngarkesën e drogës gjatë hetimeve, kërkojnë mbrapsht jo vetëm pasaportat e sekuestruara, por dhe celularët e sendet e tjera personale.

Për 9 prej tyre u mor masa arrest me burg, ndërsa të tjerët janë me detyrim paraqitje.

Prej 3 muajsh, shtetasit e huaj, qëndrojnë nën mbikëqyrjen policore brenda anijes së sekuestruar në brigjet e Adriatikut me motorin emergjent të ndezur.

Në Gjykatën e Shkallës së parë ra në sy, sidomos theksi i dy gjuhëve, asaj ruse dhe ukrainase. Qytetarë të këtyre dy vendeve, që prej muajsh i ndan lufta me njëri-tjetrin, i “bashkon” Struktura e Posaçme Kundër Korrupsionit dhe Krimit të Organizuar, për një hetim mbi trafikun ndërkombëtar të kokainës.

Anija e mallrave 132 metra e gjatë ishte nisur nga Barranquilla, një port në Kolumbi dhe mbërriti në Durrës pas lundrimit gati 20 ditor.

Ajo u vendos në Terminalin Lindor që shërben për ngarkim-shkarkimin e mineraleve mëngjesin e 16 majit dhe pas ndërhyrjes së policisë mes qymyrit u gjet lënda narkotike.

LEXONI GJITHASHTU:

• 60 kg kokainë, pronarët e anijes kërkojnë heqjen e sekuestros nga SPAK

LEXONI GJITHASHTU:

• 60 kg kokainë, pronarët e anijes kërkojnë heqjen e sekuestros nga SPAK