Parashikimi i motit për javën, kur do të vijë pranvera?

Java ka nisur me kthjellime dhe kështu do të vijojë deri të martën pasdite.

Meteorologu Hakil Osmani tha për “Mirëmëngjes” në Euronews Albania se e mërkura pasdite do të sjellë shtim të vranësirave duke krijuar dhe mundësi për reshje shiu. Njësoj do të vazhdojë dhe dita e enjte, ndërsa fundi i javës do të jetë më i kthjellët.

“Ka sinjale që ditën e diel të rikthehen reshjet në territorin shqiptar,” – raportoi Osmani.

Sidoqoftë pas kësaj jave pritet që në Shqipëri të vijë pranvera, bashkë me diellin dhe temperaturat karakteristike.

Temperaturat gjatë pjesës së parë të javës do të jenë të ulëta. Një rritje e lehtë e tyre do të shënohet të enjten. Në javën në vijim termometri do të shënojë deri në 22 gradë Celcius.

Ndërkohë, Kosova dhe Maqedonia e Veriut do të jenë nën ndikimin e kthjellimeve, ndërsa nga e enjtja pritet që të ketë reshje shiu. Temperaturat në rajon do të pësojnë rritje të ndjeshme.

LEXONI GJITHASHTU:

• Korça zgjohet me borë dhe temperatura nën zero
• Temperatura deri në 20 gradë, parashikimi i motit për javën