Parkuan brenda perimetrit të sigurisë së shkollave, e “pësojnë” shoferët në Tiranë

Policia Rrugore e Tiranës ka ndëshkuar me masë administrative, 5 drejtues automjetesh të cilët shkelën perimetrin e sigurisë, duke parkuar automjetet në afërsi të shkollës “Ismail Qemali”.

“Shërbimet e Komisariatit të Policisë Nr. 1, në zbatim të planit të masave të hartuar për paketën e sigurisë në shkolla, kanë ushtruar kontrolle në afërsi të shkollave, me qëllim garantimin e rendit dhe sigurisë. Gjatë kontrolleve, punonjësit e Policisë kanë konstatuar 5 automjete të parkuara brenda perimetrit të sigurisë të shkollës “Ismail Qemali”.  Secili prej drejtuesve të automjeteve, është ndëshkuar me masë administrative, në bazë të Kodit Rrugor”, thuhet në njoftimin e policisë.

Policia e Shtetit i bën apel të gjithë drejtuesit e automjeteve, që të zbatojnë me korrektësi perimetrin e sigurisë në shkolla, pasi në çdo rast konstatimi të shkeljeve të ndryshme do të përballen me përgjegjësitë ligjore.

LEXONI GJITHASHTU:

• Ndërhyrja në sistemin TIMS, Prokuroria kërkon hetime shtesë për çështjen
• Ekskluzive| Skandali TIMS, drejtuesit e rinj të Policisë që i shpëtuan drejtësisë