“Parlamenti është në regres”, Manjani: Ja si i ka zgjidhur PS krizat e shkuara

Juristi, Ylli  Manjani komentoi në Now me Erla Mëhillin situatën aktuale në Kuvend, duke e krahasuar me periudhën 1997-1999, kur protestat ishin të shpeshta dhe ndihmonin në gjetjen e zgjidhjeve, pavarësisht tensioneve.

Ai theksoi se përjashtimi i opozitës për një periudhë të gjatë nuk është i pranueshëm dhe se kjo i jep fund dialogut, duke çuar në përplasje.

Manjani sugjeroi që Partia Socialiste duhet të kthehet në një qasje konsensusi, ku si shembull solli  Kuvendin e Servet Pëllumbit, ku nuk kishte përjashtime dhe gjithmonë gjendej një zgjidhje.

Ai e përshkroi parlamentin e sotëm si regresiv, duke e theksuar nevojën për të rikthyer diskutimin dhe bashkëpunimin mes palëve.

“Kuvendi i Servet Pllumbit pse e gjente zgjedhjen. E mbaj mend shumë mirë si ka qenë ai Kuvend. Dua të them që në të shkuarën, periudha 97-99 ka pasur mitingje përditë, na thyeshin xhama. Kishte protest PD përditë dhe vlerësohej chdo lëvizje, ishte e nxehtë ende 97-a. Gjehej gjithmonë një zgjidhje, qoftë edhe një pazar. Opozita duhet, nuk ka ndodhur më përpara që të përjashtosh 60 ditë gjysmën e opozitës, nuk shkon kjo. Ti e vendos me shpatulla për muri. I bie ka mbaruar Parlamenti. Gjysma e grupit me 60 ditë është jashtë ekstremit, gjysmën e sezonit jeni vetëm. Nuk shkon drejt dialogut, por shkon mes përplasjeve. Në këtë kuptim kam mendim që Partia Socialiste ka nevojë t’i kthehet kuvendit të Servet Pëllumbit, Jozefina Topallit, që gjendje konsensusi. Nuk kishte përjashtime. Në këtë kutpim them që parlamenti i sotëm është në regres,” –tha Manjani.

LEXONI GJITHASHTU:

• Karamuço për tensionet e Kuvendit: Policët janë trajnuar për turma, jo për deputetë
• A u nxitua PD me deklaratën për policë të armatosur? Bumçi: Ja kush e kishte fajin